انت غير | Contemporary Drama Novel
….
في الشاليه الخاص بـ عائلة الشناوي ،،،
وقف عاصم بـ الشرفه متحدثاً بـ الهاتف قائلاً :
_ أنت متأكد من الصفقه دي يا جلال !
_ يا عاصم باشا أنا بقولك دي صفقه ماتخرش المايه ، و لو حطيت فيها مليون هيرجعلك اتنين ، يعني الضعف بـ مجرد وصول البضاعه لمصر ، و توزيعها علي التجار !
فكر عاصم قليلاً ثم قال :
_ مش عارف ليه مش مطمن للصفقه دي ..!
_ يا باشا أطمن .. أنا قبل كده جبتلك حاجه واقعه برضو .. دي صفقه محبوكه ميه في الميه !
لوي عاصم فمه بـ ضيق متسائلاً :
_ اممم .. طيب هو في عقود هتتمضي !؟
_ أكييييد يا باشا .. نسخه هتكون معاك و نسخه معاهم ، علشان تضمن حقك !
_ طيب تمام هفكر و أرد عليك .
_ ،براحتك يا باشا .. بس ياريت متنساش تقولي قرارك .
_ تمام .. يلا مع السلامه أنت .
أغلق عاصم المكالمه ، و أستند بـ مرفقيه علي حافة الشرفه و هو يتطلع ناحية البحر ، ثم أغمض عيناه و أخذ نفساً طويلاً ثم زفر بـ ضيق و لأول مره تلمع عيني عاصم بعبرات أشتياق قائلاً :
_ يا تري هشوف بناتي قبل ما أموت و لا لأ ..
ثم أبتسم بـ حسره متابعاً :
_ زينا .. وحشتيني أوي ، و يا تري التانيه اسمها أيه …!؟
…..
أمام البار ،،،
بدأ جاسر بـ فتح عيناه ، و جاهد و هو يستند بـ كفيه علي الأرضيه الأسفلتيه لينهض ، و ظل يضحك رغم الآلام المبرحه التي يشعر بها .
و أخيراً أستطاع الوقوف و هو يضحك و وجهه مليئ بـ الكدمات ، و الدماء ينزف من فمه و أنفه و سار ناحية سيارته و ه. يتمتم بـ ضحك :
_نو هتكون ليا هههههه .و محدش هيقدر يغلط فيها و لا يقربلها طول ما أنا موجود هههههه .
و ركب سيارته و أدار المفتاح ببطء شديد ، و تحرك بـ سيارته علي مهل ….!
….
بـ المطعم الفـــــاخر ،،،
ظل أدهم جالس علي الطاوله بـ الخارج ، و ظل ينظر إلي ساعته و نحو المدخل و هو ينفخ في ضيق ..
ثم وقف قائلاً بـ غضب :
_ يعني اتأخرتِ أوي يا نهله … بتعملي أيه ده كله !
و تحرك ناحية البحر و أخرج سيجاره و أشعلها بـ غضب و هو يتطلع إليه مولياً ظهره للمدخل .
….
خرجت نهله بـ صحبة نور و هي تساندها إلي الحديقه الخاصه بـ المطعم ، و أبتسمت نهله قائله بـ أمتنان :
_ شكراً ليكِ أوي ، أنا تعبتك معايا !
أبتسمت نور معلقه بـ :
_ لا طبعاً مفيش داعي للشكر ، أنتِ زي أختي !
_ أكيد طبعاً و ده يشرفني .
ثم تابعت و هي تشير ناحية شاب يقف بعيداً مولياً أياهم ظهره قائله :
_ أهو خطيبي مستنيني خلاص .
ثم نادت بـ صوتاً مرتفع :
_ أدهــــــــــم .
