انت غير | Contemporary Drama Novel

أزدردت نور لعابها بـ صعوبه ، و سقطت عبره ساخنه على وجنتها ممتلئه حسرةً ، و رفض قلبها ما تسمعه أذنيها قائله :
_ أد.. أدهم .. أنا عرفت عنك كل حاجه .. و عرفت طبيعة شغلك في الماضي ، و بحبك و مسامحاك .. تعـ تعالي نبدأ من جديد .. أنـ.. أنا بـ.. بحبك !
لوي أدهم فمه في سخريه ، قائلاً بـ ضيق :
_ يا بنت الناس أنا ماقولتش ليكِ إني بحبك و لا قولتلك تحبيني ، و مش كلمتين حلوين طلعوا مني لمَ كنتِ تعبانه و بحاول أخفف عنك ، يبقي تعلقي نفسك بيهم للدرجه دي !
علقت نور بـ مراره و قد تركت لِجام عبراتها لتملأ وجهها :
_ كلمتين حلوين ..!
أدهم أنت مش عارف أنت عملت فيا أيه !
أنت ملكتني .. و نَفسي رافضه أي حد غيرك .. أنا.. أنا كنت شايفه الحب في عينيك .. راح فين ده ..!
رغم أن أدهم كانت يتمزق من الداخل لسماع هذا ، و لكنه جاهد ألا يظهر هذا و ضحك بـ سخريه قائلاً :
_ حب مين يا بنتي اللي أحبهولك ..!
روحي بصي لنفسك في مرايه .. دا أنا بنات تحل من علي حبل المشنقه بتترمي تحت رجليا ، أجي في الأخر و أبص لوحده عاديه زيك .. و بعدين ماضي أيه بتاعي .. تعرفي أنتِ أيه عني .. الماضي بتاعي و مستقبلي و شغلي ده حاجه ماتخصكيش ، و أنتِ مين علشان تسامحيني و لا لأ !
أغمضت نور عيناها بـ أسي و هي تبتلع مرارة كلمات أدهم اللاسعه بـ صعوبه قائله بـ حسره :
_ كـ.. كل ده .. علـ.. علشان حبيتك !
نفخ أدهم بـضيق شديد ، و وضع كفيه علي وجهه و هو يفركه بـ عصبيه صائحاً بـ :
_يابنتي أنتِ ماعندكيش كرامه !
أول مره أشوف واحده بتتحايل علي واحد علشان يحبها ، فين كرامتك أنتِ مش مكسوفه من نفسك و أنتِ بتتحايلي عليا بـ الطريقه دي !
و بعدين أنا ما بحبش غير خطيبتي نهله ، اه طبعاً ما أنتِ شوفتيها أمبارح ، و شوفتي هي حلوه أزاي !

أقتربت نور من أدهم قائله بـ حسره و العبرات تملئ وجهها ، و لكنها تحاملت علي نفسها لتقول :
_كرامه !
أنا عندي كرامه عمري ماسمحت لحد يمسها .. بس للأسف صدقت المثل اللي بيقول مفيش كرامه في الحب ، و دوست علي كرامتي علشان حد مايستهلش ده كله ….!